Како правилно да одгледате канабис, кои врсти ги олеснуваат тегобите, кои се предности на одгледувањето без земја.... се само некои работи кои мора да ги совладаат идните инженери на марихуанокултурата.
Во Калифорнија е отворен Оакстердам универзитетот, првото училиште кое ги подготвува младите за работа во растечката индустрија на одгледување марихуана за медицински потреби.
Учениците на колеџот можат да научат како правилно да одгледуваат канабис, кои видови ги олеснуваат тегобите на одредени болести, но се учи и за законските одредби на бизнисот кој во очите на федералните власти се уште е илегален.
„Основната идеја е да се професионализира индустрија и да се направи ’сериозна’, токму како што се и пиварниците или дестилериите за алкохол, објаснува 45-годишниот Ричард Ли, основач на колеџот во центарот на Оукленд.
Откако ќе ги завршат „студиите“, учениците решаваат тест, а најдобрите меѓу нив можат да ја заработат титулата „најдобар во класата“. Школувањето за 20 идни инженери по марихуанокултура почна минатиот викенд со предавање за законските одредби и настава по историја, а на предавањето присуствуваа и неколкумина познати фаци и активисти.
Професорот Ли посади семе од марихуана во пластична канта и објасни дека служејќи се со здрав разум и со помош на електричен отпад, вентилатор и филтер за воздух, студентите можат да одгледаат „трева“ за забава, заради здравствени потреби, во хуманитарни цели или заради профит.
Курсевите веќе се распродадени до мај.
Најави се
Регистрирај се
ЧПП
